Mashtroi një person se do t'i blinte makinë dhe i mori 5000 euro, arrestohet 31-vjeçari në Tiranë, u kap me armë! Në pranga edhe 24-vjeçari për shpërndarje kanabisi

Dy të rinj kanë rënë në prangat e policisë së Tiranës gjatë 24 orëve të fundit. Nga operacioni i koduar ‘Zastava’, u arrestua 31-vjeçari i identifikuar si Ervis Xheli, i cili ishte shpallur në kërkim pasi ka përvetësuar 5000 euro nga një person, me pretendimin se do t'i blinte një automjet.

Ai u vu në pranga në vendin e quajtur ish-Parku, kanë lokalizuar të riun, të cilit gjatë kontrollit fizik, iu gjetën dhe sekuestruan, në cilësinë e provës materiale, një armë zjarri pistoletë dhe municion luftarak.

Ndërkohë, në një tjetër operacion të koduar ‘Dealer 3’, u arrestua 24-vjecari Denis Aliu, të cilit gjatë kontrollit fizik, iu gjet dhe sekuestrua, në cilësinë e provës materiale, sasi lënde e dyshuar narkotike, e ndarë në doza, gati për shitje.

Pas verifikimeve të kryera, ka rezultuar se ky Aliu, shpërndante lëndë narkotike cannabis sativa, në rrugën "Zef Jubani".

Materialet i kaluan Prokurorisë, për veprime të mëtejshme procedurale.

A.M./r.k./Shqiptarja.com

TAG:
• denis aliu
• ervis xheli
• Tirane